85 հազար 500 եվրո «Դիլիջան» և «Արփի լիճ» ազգային պարկերին Կովկասի բնության հիմնադրամից

85 հազար 500  եվրո «Դիլիջան» և «Արփի լիճ» ազգային պարկերին Կովկասի բնության հիմնադրամից
Կովկասի բնության հիմնադրամի (CNF) կողմից ՀՀ Շրջակա միջավայրի նախարարության կազմում գտնվող «Դիլիջան» և «Արփի լիճ» ազգային պարկերին հատկացվել է 85 հազար 500 եվրո, որից 58 հազարը տրվել է «Դիլիջան» ազգային պարկին, իսկ 27 հազար 500 եվրոն՝ «Արփի լիճ» ազգային պարկին։
 
Նշված հատկացումները 2023թ. առաջին գումարային փոխանցումներն են, որոնք անհրաժեշտ են բնության հատուկ պահպանվող տարածքների արդյունավետ գործունեությունն ապահովելու համար։
 
CNF-ի կողմից, բացի հատկացված գումարից, «Դիլիջան» ազգային պարկին նվիրաբերվել է «Նիվա» մակնիշի ավտոմեքենա, որի միջոցով նաև կիրականացվեն պարկի պահպանության աշխատանքները։
 
Հիշեցնենք, որ մինչ այս առաջին գումարային օժանդակություններ են հատկացվել նաև «Զանգեզուր» կենսոլորտային համալիրին՝ 142 հազար 500 եվրոյի և «Խոսրովի անտառ» պետական արգելոցին՝ 66 հազար 500 եվրոյի չափով։

Մայիս 05, 2023 at 10:27


Առնչվող նյութեր


Կատեգորիա

ավելին
պակաս

Մարզեր