Երևանի քաղաքապետարանի տեղակատվության և հասարակայնության հետ կապերի վարչություն
Դեկտեմբերի 29-ին Երևանի քաղաքապետ Կարեն Կարապետյանը հանդիպեց բնապահպանական կառույցների ներկայացուցիչների հետ։ Քաղաքապետը կարևորեց մայրաքաղաքի բնապահպանական հայեցակարգի հստակեցումը՝ հիմք ընդունելով արդեն իրականացված և մշակված ծրագրերը։
Հանդիպմանը ներկա մասնագետները ներկայացրեցին մայրաքաղաքի բնապահպանական իրավիճակի վերաբերյալ իրենց կարծիքներն ու առաջարկները։ Ոլորտի խնդիրներն արդյունավետ կարգավորելու նկատառումով Կարեն Կարապետյանը կարևորեց քաղաքապետարանի և գիտական կազմակերպությունների համագործակցությունը՝ նշելով, որ պետք է խոսել բաց ու թափանցիկ՝ չխուսափելով ծավալուն ծրագրերից։ «Ձեզանից ակնկալում եմ կիրառական առաջարկություններ՝ հաշվի առնելով Երևանի զարգացումը, միաժամանակ կանաչապատման ցուցանիշն ավելացնելու և մայրաքաղաքն հարմարավետ դարձնելու անհրաժեշտությունը» ,- նշեց Կարեն Կարապետյանը։
Հունվար 10, 2011