ԷկոԼուր
ՀՀ բնապահապանության նախարար Արամ Հարությունյանը հունիսի 4-ին ընդունել է Միջազգային ֆինանսական կորպորացիայի եւ Վերակառուցման եւ զարգացման եվրոպական բանկի պատվիրակությանը: Հանդիպման ընթացքում մասնավորապես քննարկվել է Ամուլսարի ոսկու հանքավայրի շահագործման նախագիծը: Այն իրականացնում է «Lydian International» ընկերությունը, որի բաժնետոմսերի մի մասը պատկանում է այդ ֆինանսական ինստիտուտներին: Ինչպես հայտնում է ՀՀ բնապահպանության նախարարության տեղեկատվության եւ հասարակայնության հետ կապերի վարչությունը, հանդիպման ընթացքում մասնավորապես քննարկվել են հանքարդյունաբերության արդյուքում բնապահպանական վնասի նվազեցման մեխանիզմների կատարելագործման անհրաժեշտությունը: Որպես առաջնահերթ պայման երկկողմանիորեն նշվել է նոր տեխնոլոգիաների և բնապահպանական փորձաքննության միջազգային փորձի ներդրման հրատապությունը:
Արամ Հարությունյանն ընդգծել է Ամուլսարի ոսկու հանքավայրի շուրջ ընթացող գործընթացների կարևորությունը և նշել, որ հետագա զարգացումները պետք է ապահովեն Ջերմուկ առողջարանային քաղաքի, Սևանա լճի, և առհասարակ հարակից տարածքների ջրային ավազանի ու կենսաբազմազանության պահպանման համար միջազգային ստանդարտներին համապատասխան պայամաններ:
Հիշեցնենք, որ այս պայմաններն են ընկած Ամուլսարի նախագծին 2012թ. հուլիսին տրված բնապահպանական փորձաքննության դրական եզրակացության հիմքում:
Հունիս 05, 2013 at 12:01