Արտավազ բնակավայրում դեմ արտահայտվեցին Թեժասարի հանքավայրում երկրաբանահետախուզական աշխատանքների իրականացմանը

ՀՀ Կոտայքի մարզի Ծաղկաձոր համայնքի Արտավազ բնակավայրի բնակիչները դեմ են Թեժասար տեղամասում նեֆելինային սիենիտների հանքավայրի պաշարների վերագնահատման աշխատանքներին։ Նրանք իրենց բացասական դիրքորոշումը ներկայացրին սույն թվականի հունիսի 14-ին Արտավազում կազմակերպված առաջին հանրային լսումների ժամանակ։ 

Նեֆելինային սիենիտների հանքավայրի պաշարների վերագնահատման համար անհրաժեշտ երկրաբանահետախուզական ուսումնասիրության 2024-2027թթ․ ծրագիրը մտադիր է իրականացնել «Ամ Արտ Շին» ՍՊԸ-ն։

Հիշեցնենք, որ այս ծրագիրը մերժվել է նաև 2022թ․ Կոտայքի մարզի Մեղրաձոր բնակավայրի բնակիչների կողմից։

Մանրամասները՝ տեսանյութում։

Հունիս 14, 2024 at 17:01