

ԷկոԼուր
WECF եվրոպական կանանց ցանցի (Եվրոպայի կանայք հանուն ընդհանուր ապագայի) հայաստանյան գործընկերները` «ԷկոԼուր» տեղեկատվական, «Հայ կանայք հանուն առողջության եւ առողջ շրջակա միջավայրի», «Խազեր» էկոլոգամշակութային ՀԿ-ները միանում են WECF-ի կոչին` հանդես գալ ատոմային էներգետիկայի զարգացման ծրագրի դեմ: Մարտի 15-ին WECF-ի Գերմանիայի տնօրեն Սաբինե Բոքը հանդես եկավ ատոմային էներգետիկայի զարգացման դեմ և Մյունխեն քաղաքի Կարլսպլաց հրապարակում հանրահավաք կազմակերպեց:
«Ճապոնիան` աշխարհի երրորդ ամենամեծ տնտեսություն ունեցող երկիրն է, այն հայտնի է որպես աշխարհի ամենաառաջատար և ապահով ատոմակայանների երկիր: Եթե Ճապոնիայի ռեակտորները և ինժեներները չեն կարողանում հաղթահարել բնական աղետը, հավանականությունը շատ մեծ է, որ մյուս երկրները նույնպես չեն կարողանա հաղթահարել դրանք: Գոյություն չունի այնպիսի ապահովագրական ընկերություն, որը կապահովագրի միջուկային արդյունաբերությունը այն ահռելի վտանգից, որը կարող է տեղի ունենալ բնական աղետի դեպքում: Ի վերջո, դրա համար ապագա սերունդներն են վճարում իրենց առողջությամբ, կյանքով և հողով: Մենք միայն կարող ենք պարկերացնել Ճապոնիայում տիրող իրադրությունը, հույս ունենք, որ նման աղետ այլևս չի կրկնվի»,- հայտարարել է Սաբինե Բոքը:
Մարտ 18, 2011
