ԷկոԼուր
ՀՀ կառավարությանն առընթեր միջուկային անվտանգության կարգավորման պետական կոմիտեն արձագանքել է ԷկոԼուրի` 2014թ-ի դեկտեմբերի 18-ին հրապարակած «Հայաստանում չի իրականացվում շրջակա միջավայրի ճառագայթման մոնիթորինգ» նյութին: Նշենք, որ նյութի ողջ տեղեկատվությունը վերցված է պատրաստվել է բացառապես «Հայաստանի Հանրապետությունում շրջակա միջավայրի ճառագայթային մոնիթորինգի ռազմավարությունը» փաստաթղթից, որին ՀՀ կառավարությունը հավանություն տվեց 2014թ-ի դեկտեմբերի 18-ի նիստում: Կոմիտեի նախագահ Աշոտ Մարտիրոսյանի նամակում մասնավորապես ասված է. «Հայաստանի Հանրապետությունում ունենք ճառագայթային մոնիթորինգի բազա` կապված Հայկական ԱԷԿ-ի դիտարկման գոտու տարածքներից վերցված փորձանմուշների (հողի, ատմոսֆերային օդի, ջրի, բուսականության, տեղական սննդամթերքի եւ այլն), ճառագայթային մոնիթորինգի հետ: Հայկական ԱԷԿ-ն ունի բավարար քանակությամբ բարձր որակի սարքավորումներ եւ կադրեր: Դա համարվում է Հայկական ԱԷԿ-ի շահագործման թույլտվության պայմաններից մեկը:
Կոմիտեն մշակել է Հայաստանի Հանրապետության տարածքի ճառագայթային մոնիթորինգի անցկացման փուլային ծրագիր եւ 2014թ. անց է կացրել ճառագայթային մոնիթորինգ տարբեր օբյեկտների եւ հարակից տարածքներում, որի մասին տեղեկատվությունը կցվում է սույն նամակին:
Ինչ վերաբերում է ՀՀ կառավարության դեկտեմբերի 18-ի արձանագրային որոշմամբ հաստատված «Հայաստանի Հանրապետությունում շրջակա միջավայրի ճառագայթային մոնիթորինգի ռազմավարությունը» փաստաթղթին, հայտնում ենք, որ փաստաթուղթը նպատակ ունի ներկայացնել առկա խնդիրները եւ դրանց համակարգված լուծման ուղիները` ճառագայթային մոնիթորինգը ժամանակակից պահանջներին համապատասխան իրականացնելու համար»: Այնուհետեւ նամակում նշվում է, որ մոնիթորինգ է անցկացրել Լոռու մարզի Թեղուտի, Արմանիսի, Վայոց ձորի Ազատեկի, Կոտայքի մարզի Մեղրաձորի հանքավայրերի եւ Երևանի ՋԷԿ-ի, «Մետեքսիմ» ՍՊԸ-ին պատկանող Երևան քաղաքում տեղակայված մետաղի ջարդոնի հավաքման կետերի տարածքներում եւ գամմա ճառագայթման դոզայի արդյունքները գտնվում են բնական ֆոնի /պայմանավորված կոսմիկական ճառագայթմամբ և հողում ու ատմոսֆերային օդում գտնվող բնական ռադիոակտիվությամբ/ տվյալների սահմաններում:
Մանրամասն տեղեկատությունը ներկայացնում ենք ստորեւ:
 |
 |
 |
 |
Հունվար 21, 2015 at 17:53