

ԷկոԼուր
2011-2013թթ. ՀՀ էներգետիկայի եւ բնական պաշարների նախարարությունը ծրագրավորում է իրականացնել «Սևանա լճի ջրահավաք ավազանում հանքավայրերի շահագործման արդյունքում կուտակված թափոնների գույքագրում»: Այս մասին նշված է ՀՀ էներգետիկայի և բնական պաշարների նախարարության 2011-2013թթ. միջնաժամկետ ծախսային ծրագրում (ՄԺԾԾ): Ծրագրի շրջանակներում պետք է իրականացվի Սևանա լճի ջրահավաք ավազանում գտնվող թափոնակույտերի (դատարկ ապարներ, ոչ կոնդիցիոն հանքաքար և այլն) գույքագրումը, լճի վրա վերջիններիս բացասական ազդեցության գնահատումը:
Գեղարքունիքի մարզում, ըստ ՀՀ նախագահին առընթեր Սեւանա լճի հիմնահարցերի հանձնաժողովի նախագահ Վլադիմիր Մեվսիսյանի տվյալների, գործում են 29 հանքեր: Դրանցից ամենախոշորներից են Սոտքի ոսկու հանքավայրը, Շորժայի դունիտ-պերիդոտիտային հանքավայրը:
Դեկտեմբեր 08, 2010
